2026-mi kvartalit siullianni sinerissap qanittuani aamma
avataasiorluni aalisarneq
2026-mi 1. kvartalimi aalisariutit suuneri kiisalu aalisarfiit malillugit sinerissap qanittuani aamma avataasiorluni aalisarnermut kisitsisit matumuuna Naatsorsueqqissaartarfimmit saqqummersinneqarput. Kisitsisaataasivimmilu kisitsitsisit tunngavigalugit ataani tabelimi takusassiarineqarput.
Saarulliit, qalerallit kinguppaallu tonsinngorlugit Kalaallit Nunaanni aalisariutinit pisat, 1. kvartali 2026
|
Suussuseq |
Aalisarfik |
2022 |
2023 |
2024 |
2025 |
2026 |
|
Saarullik |
Sinerissap qanittuani |
784 |
1.695 |
1.401 |
1.601 |
2.604 |
|
|
Avataasiorluni ... |
11.664 |
10.228 |
14.430 |
11.441 |
18.459 |
|
|
Katillugit ....... |
12.448 |
11.923 |
15.831 |
13.042 |
21.063 |
|
Qaleralik |
Sinerissap qanittuani |
5.451 |
5.597 |
4.343 |
3.463 |
3.043 |
|
|
Avataasiorluni ... |
698 |
96 |
1.130 |
5.012 |
6.981 |
|
|
Katillugit ....... |
6.149 |
5.693 |
5.473 |
8.475 |
10.024 |
|
Kinguppaat |
Sinerissap qanittuani |
7.648 |
7.469 |
9.111 |
6.747 |
7.514 |
|
|
Avataasiorluni ... |
17.004 |
14.538 |
10.805 |
8.826 |
11.364 |
|
|
Katillugit ....... |
24.652 |
22.007 |
19.916 |
15.573 |
18.878 |
Najoqqutaq: Naatsorsueqqissaartarfik – Kisitsisaataasivimmi kisitsisit takukkit https://bank.stat.gl/FIN010
Saarulliit pisat 2026 tikillugu annertusiartornerat ersarippoq. Avataasiorluni aalisarnermit pisat annertunerupput, ineriartornermullu pingaarnertut ingerlatsisuullutik. Ataatsimut isigalugu avataasiorluni saarullinnik aalisarneq ineriartuuteqangaatsiarpoq.
Piffissami pineqartumi sinerissap qanittuani qalerallit pisat apparsimapput. Paarlattuanilli avataasiorluni aalisarnermi pisat 2024-miit ullumikkumut annertusingaatsiarsimapput. Tamanna 2024-miit 2026-mut ataatsimut qaffariartitsivoq, 2026-mili qaffasinnerulluni.
2022-miit 2025-mut kinguppaat pisat appariarput, pingaartumik avataasiorluni aalisarneq appariartitsilluni. 2026-mi annertuseqqinnerat takuneqarsinnaavoq, sulili 2022-miit annikinnerupput. Sinerissap qanittuani aalisarnermi pisat aalaakkaanerupput annikitsumik allannguuteqartarlutik.
Kisitsisaataasivimmi pisat annertussusiisa suussutsinnut, aalisarfinnut kvartalinullu agguarsimasut kiisali Kalaallit Nunaannit nunaniillu allanit aalisariutinut agguarsimasut piffissami 2012-imiit 2026-mi kvartalit siulliannut paasissutissaat nassaarineqarsinnaapput.
Saqqummersitsinissaq tulleq 2026-mi kvartalit aappaannut tunngasoq ulloq 4. aggusti 2026 saqqummissaaq.